Ջրի գնի հետ կապված, վարձակալության պայմանագրի համաձայն, «Վեոլիա» ընկերությունը մինչեւ օգոստոսի 10-12-ը պարտավոր է ներկայացնել սակագնի վերանայման հայտ: Այս մասին այսօր՝ հունիսի 8-ին, ԱԺ-ում լրագրողների հետ զրույց նշեց Հանրային ծառայությունները կարգավորող հանձնաժողովի նախագահ Գարեգին Բաղրամյանը:
Նրա խոսքով, «Վեոլիա» ընկերությունը պարտավոր է դա անել ելնելով 4 հիմնական գործոնից. «Դա ջրի փաստացի սպառման ծավալն է համեմատած բազիսային ծավալների հետ, սղաճը, էլեկտրաէներգիայի գինը եւ իր՝ այլ գործունեությունից ստացվող եկամուտները: Օգոստոսին հայտ կներկայացնի, սակայն չեմ կարծում, որ էական փոփոխություններ լինեն»:
