Քաղաքի բոլոր վարչական շրջաններում ծառերի գողություն է գրանցվել, ընդ որում՝ ինչպես ճանապարհներից, այնպես էլ այգիներից: Այս մասին հունիսի 8-ին լրագրողների հետ հանդիպմանն ասաց Երեւանի քաղաքապետարանի բնապահպանության վարչության գլխավոր աշխատակից Գայանե Ներսիսյանը:
Նա նշեց, որ քաղաքային իշխանությունները համագործակցում են տեղական եւ միջազգային կազմակերպությունների հետ՝ վերահսկողությունն ուժեղացնելու եւ նման երեւույթները կանխելու համար: «Ընդհանուր առմամբ, վերջին շրջանում ամբողջ քաղաքում 250 հազար տեսակի կուենի է տնկվել:
Քաղաքը կանաչապատման տեսանկյունից առավել խնդրահարույց է ոռոգման անհրաժեշտ համակարգի բացակայությունը՝ հաշվի առնելով, որ Երեւանը պատկանում է կիսաանապատային գոտուն: Այս կապակցությամբ այս տարի նախատեսվում է մոտ 20 կմ երկարությամբ ոռոգման համակարգի վերանորոգման աշխատանքներ իրականացնել բոլոր վարչական շրջաններում»,- հավելեց նա:
Ներսիսյանն ընդգծեց, որ այժմ եւս կանաչապատման աշխատանքներ են իրականացվում քաղաքի տարբեր մասերում, այդ թվում՝ Օպերայի եւ բալետի ակադեմիական թատրոնի շենքի հարակից ազատագրված տարածքներում: