ՊԵԿ փոխնախագահ Արթուր Մանուկյանը չի կարծում, թե այն փաստը, որ ՊԵԿ-ը 168 ծառայողական մեքենա ունի, ՊԵԿ-ին արտոնյալ է դարձնում։

«Խոսքը վերաբերում էր այն ավտոբուսներին որոնք օգտագործվում են ՊԵԿ աշխատակիցների աշխատանքային պայմանները բարելավելու ուղղությամբ, չի կարող արտոնյալ համարվել։ Մենք ունենք 3000-ից ավելի աշխատակից, այնպես որ սարսափելի քանակ չի նշվածը եթե համադրենք»,- այսօր՝ հունիսի 8-ին, ԱԺ-ում լրագրողների հետ զրույցում ասաց ՊԵկ փոխնախագահը։

Ավելի վաղ  ԱԺ-ում տեղի ունեցող Տնտեսական հարցերի ու ֆինանսավարկային եւ բյուջետային հարցերի մշտական հանձնաժողովների hամատեղ նիստին «Լուսավոր Հայաստան» խմբակցության պատգամավոր Մանե Թանդիլյանը նշել էր, որ որեւէ գերատեսչություն նման արտոնություն չունի, եւ երեւի ժամանակն է՝ այդ ավտոբուսները ՊԵկ-ը նվիրաբերի Երեւանի քաղաքապետարանին։