Հայաստանի Պետական եկամուտների կոմիտեում շատ քիչ ծառայողական ավտոմեքենաներ են մնացել: Հիմնականում ՊԵԿ-ն ավտոմեքենաներ է օգտագործում է, որոնք նախատեսված են գերատեսչության տարբեր ստորաբաժանումների սպասարկման համար: Այս մասին հունիսի 8-ին ՀՀ Ազգային Ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՊԵԿ փոխնախագահ Արթուր Մանուկյանը՝ պատասխանելով «Լուսավոր Հայաստան» կուսակցության պատգամավոր Մանե Թանդիլյանի հարցին:
Ընդ որում, նա չկարողացավ հստակ ասել, թե կոնկրետ քանի ավտոմեքենա է գրանցված ՊԵԿ-ում: «Հիմնականում մենք հրաժարվել ենք ծառայողական ավտոմեքենաներից»,- նշեց Մանուկյանը՝ ընդգծելով, որ ինքն անձամբ հրաժարվել է ծառայողական ավտոմեքենայից:
Միեւնույն ժամանակ, նա հավաստիացրեց, որ առկա ծառայողական ավտոմեքենաներն օգտագործվում են բացառապես ծառայողական նպատակներով: «Այս ավտոմեքենաները չեն օգտագործվում անձնական կարիքների համար, եւ եթե նման դեպքեր անգամ հայտնաբերվել են, ապա համապատասխան միջոցներ են ձեռնարկվել»,- ասաց Մանուկյանը:
Մանե Թանդիլյանն իր հերթին ասաց, որ ՊԵԿ-ում168 ավտոմեքենա է գրանցված, չնայած այդ գերատեսչությունը զգալիորեն ավելի քիչ ստորաբաժանում ունի: Ընդ որում, նա նշեց, որ հարկային մարմիններում նաեւ ավտոբուսներ կան, որոնք օգտագործվում են աշխատակիցներին տուն տանելու համար: Թանդիլյանն առաջարկեց ավտոբուսների մի մասը փոխանցել Երեւանի քաղաքապետարանին, որոնք այնտեղ ավելի անհրաժեշտ են։