News
Լրահոս
News
Երկուշաբթի
Սեպտեմբեր 27
Տեսնել լրահոսը

Առողջապահության փոխնախարար Արտյոմ Սմբատյանն անդրադարձել է ԵՊԲՀ հոգաբարձուների խորհրդի նախագահ Վահան Արծրունու ֆեյսբուքյան գրառմանը, ըստ որի մարտից ԵՊԲՀ 1-ին կլինիկական հիվանդանոցի հատուկ covid-բաժանմունքը դատարկ է եղել:

Ստորեւ ներկայացնում ենք փոխնախարարի պարզաբանումը.

«Ստորեւ ներկայացնեմ իրականությունը երեկվա հրապարակման հետ կապված.

Մարտի վերջին իմ ստորագրությամբ շրջանառվել է մի գրություն որով առաջարկվել է բոլոր բժշկական հաստատություններին առանձնացնել տարածքներ (մեկուսարաններ) COVID-19 պացիենտներին բժշկական օգնություն տրամադրելու համար: Միեւնույն ժամանակ ֆեյսբուքյան լուսանկարներում հրապարակվում է ԵՊԲՀ-ի մի տարածք, որը ըստ հրապարակման, նախկին ճաշարանն է, վերապրոֆիլավորված մեկուսարանի` կորոնավիրուսային հիվանդություն ունեցող քաղաքացիների համար:

Ապրիլի առաջին օրերից սկսած` առողջապահության նախարարության բժշկական տրիաժի մասնագետները գրեթե ամենօրյա պարբերականությամբ ստացել են COVID-19 հաստատված պացիենտների տեղափոխման հայտեր ԵՊԲՀ մեկուսարանից դեպի այլ հիվանդանոցներ:

Ստացվել է, որ մեկուսարանը գործել է կորոնավիրուսի կասկածով հոսպիտալացված եւ նմուշառման պատասխանին սպասող անձանց համար: Այնուհետեւ, անցած շաբաթվա վերջին համալսարանի պաշտոնատար անձանց հետ խոսելու ժամանակ, ինձ համար ՆՈՐ պարզ է դարձել, որ փաստացի ԵՊԲՀ-ն ունի երկու տարածք` մեկը այն մեկուսարանը, որտեղից հոսպիտալացված COVID-19 հաստատված պացիենտները տեղափոխվել են երկու ամիս շարունակ եւ դրանից ԶԱՏ եւս մեկ տարածք, որի լուսանկարները հրապարակվել են դեռեւս մարտին:

Տվյալ տեղեկատվությունը իմանալուն պես մեր կողմից անմիջապես առաջարկվել է գործարկել երկու տարածքը հետեւյալ սկզբունքով` 10 հոգու համար նախատեսված մեկուսարանը, որտեղից երկու ամիս է տեղափոխվում են հաստատված պացիենտները` օգտագործել կորոնավիրուսի հիվանդության կասկածով պացիենտների հոսպիտալացման համար, իսկ 10 հոգու համար նախատեսված վերապրոֆիլավորված նախկին ճաշարանը համալրել համապատասխան անձնակազմով եւ իրականացնել COVID-19 հաստատված պացիենտների հոսպիտալացում եւ բուժում:

Այսպիսով լեգիտիմ հարց է առաջանում, գուցե ԵՊԲՀ-ում ծավալվում է կամ ծավալված է եւս մեկ` 3-րդ համալրված տարածք` օրինակ չօգտագործվող լսարանում:

Ինչեւէ, կոչ եմ անում տարատեսակ ֆեյսբուքյան գրառումների փոխարեն, ժամանակը ծախսել միայն մեր քաղաքացիների առողջության պահպանմանը եւ համավարակի տարածման կանխարգելմանն ուղղված միջոցառումների վրա` կատարելով ՀՀ կառավարության եւ լիազոր մարմնի բոլոր ցուցումները:

Հ.Գ. ի դեպ, երեկ ԵՊԲՀ-ի ղեկավար անձնակազմի հետ հանդիպումը եղել է ջերմ եւ կառուցողական մթնոլորտում եւ ուղղված է եղել վերոհիշյալ միջոցառումների կատարմանը եւ իրագործմանը: Ես ընդհանրապես չէի անդրադառնա քաղաքացի Վահան Արծրունու ֆեյսբուքյան հրապարակմանը, եթե չտեսնեի ԵՊԲՀ աշխատակազմի ղեկավար Շուշան Դանիելյանի մարտնչող գրառումները»:

Մարտ ամսից ԵՊԲՀ 1-ին կլինիկական հիվանդանոցի հատուկ covid-բաժանմունքը դատարկ է եղել. Վ. Արծրունի

Տպել
Կարդացեք նաև
Ամբողջը
ԱՀԿ-ն կվերսկսի կորոնավիրուսի ծագման հետաքննությունը
Առողջապահության համաշխարհային կազմակերպությունը մտադիր է վերսկսել կորոնավիրուսի ծագման հետաքննությունը...
Վրաստանում մեկ օրում կորոնավիրուսով վարակվածների թիվն ավելացել է 663-ով
Միեւնույն ժամանակ, անցած 24 ժամվա ընթացքում 2383 մարդ է ապաքինվել, համաճարակի սկզբից 578 881 մարդ մահացել է․․․
Վիետնամցին դատապարտվել է ազատազրկման կորոնավիրուսի տարածման համար
Հուլիսին 39-ամյա Ֆան Վան Խոան բեռնատարով ուղեւորվել է Խոշիմինից իր հայրենի քաղաք...
Ֆրանսիան կկրկնապատկի պատվաստանյութերը, որոնք տրամադրվում են աղքատ երկրներին
Գործակալության տվյալներով՝ Ֆրանսիան ընդհանուր առմամբ կփոխանցի 120 միլիոն դեղաչափ, ինչը երկու անգամ գերազանցում է խոստացված քանակությունը...
Պետությունն ասում է` կամ պետք է համակերպվես անձնական անձեռնմխելիության իրավունքի սահմանափակման հետ, կամ էլ պետք է վճարես
Այս պայմաններում միակ ողջամիտ լուծումը, որ կարող է լինել, դա պարզապես թեստն անվճար դարձնելն է այդ մարդկանց համար…
Ռուսաստանում մեկ շաբաթվա ընթացքում գրանցվել է 5 682 մահվան դեպք քովիդի հետեւանքով
Նախորդ առավելագույն ցուցանիշը 5 618 մահվան դեպքն էր մեկ շաբաթում, որը գրանցվել էր օգոստոսի կեսերին...
Ամենաշատ