ՀՀ նախագահ Արմեն Սարգսյանը այսօր՝ հունիսի 8-ին վարչապետ Նիկոլ Փաշինյանից առաջարկություններ է ստացել՝ ՀՀ ԱԱԾ տնօրեն Էդուարդ Մարտիրոսյանին և ԶՈՒ ԳՇ պետ Արտակ Դավթյանին պաշտոնից ազատելու վերաբերյալ: Այս մասին NEWS.am-ին հայտնեցին նախագահի աշխատակազմի մամուլի ծառայությունից։
Ավելի վաղ NEWS.am-ը հայտնել էր, որ երեկ տեղի էր ունեցել Արտակ Դավթյանի որդու հարսանիքը՝ արտակարգ դրության պայմաններում, որին մասնակցել են մի քանի տասնյակ մարդիկ: Որպես պաշտոնանկության հիմնական պատճառ նշվում է սա։
Ինչ վերաբերում է ԱԱԾ տնօրեն Էդուարդ Մարտիրոսյանի պաշտոնանկությանը, դրա մասին մամուլը խոսում էր մեկ շաբաթ, թեեւ 2 օր առաջ նա ԱԺ-ում հերքեց, թե ազատման դիմումէ գրել:
Նշենք, որ ՀՀ նախագահը դեռ չի ստորագրել համապատասխան հրամանագրերը: