2019 թվականին Հայաստանի պետական եկամուտների կոմիտեն 171.1 միլիարդ դրամ է վերադարձրել բիզնեսին եւ քաղաքացիներին կամ գրեթե 80 տոյոսով ավել, քան 2018 թվականին էր: Այս մասին հունիսի 8-ին ՀՀ Ազգային ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՊԵԿ-ի փոխնախագահ Արթուր Մանուկյանը:
Այս կապակցությամբ նա նշեց, որ քաղաքացիներին վերադարձվում են առաջնային շուկայում հիփոթեկի դեպքում եկամտային հարկի միջոցները, իսկ բիզնեսին՝ անցումային եւ դեբետային վճարները: «Մասնավորապես, քաղաքացիները ընդհանուր 7.9 միլիարդ դրամ են ստացել՝ հիփոթեքային տոկոսները մարելու համար: Այս ցուցանիշը 3.2 միլիարդ դրամով ավել է, քան 2018-ին էր»,- պարզաբանեց Մանուկյանը:
Ինչ վերաբերում է բիզնեսին, ապա 2018 թվականի հունվարի 1-ի դրությամբ ԱԱՀ անցումային վերավճարը 132.7 միլիարդ դրամ է կազմել, իսկ դեբետային վերավճարը՝ 143 միլիարդ դրամ: «Ընդ որում, 2020 թվականի հունվարի 1-ի դրությամբ անցումային վերավճարը կրճատվել է ընդամենը 5.9 միլիարդ դրամով, իսկ դեբետայինը՝ 70.5 միլիարդով: Այդպես, երկու տարի առաջ պետությունը բիզնեսին մոտ 275 միլիարդ դրամ էր պարտք, իսկ հիմա՝ ընդամենը՝ 76 միլիարդ դրամ, այսինքն ՝ գրեթե չորս անգամ պակաս»,- ասաց ՊԵԿ-ի փոխնախագահը:
Սակայն, նույնիսկ հաշվի առնելով այն փաստը, որ պետությունը հարկ է համարել տասնյակ միլիարդավոր դրամներ ծախսել բիզնեսին պարտքերը վերադարձնելու համար, 2019-ին հարկերի հարաբերակցությունը ՀՆԱ-ի նկատմամբ 22.35 տոկոս էր կազմել կամ 1.4 տոկոսով բարձր էր, քան 2018 թվականին: Եթե այս ամբողջ գումարն ուղղվեր գանձարան, հարկերի հարբերակցությունը ՀՆԱ-ի նկատմամբ կգերազանցեր 24 տոկոսը:
