Վերջին կանխատեսումների համաձայն՝ Հայաստանում տնտեսական անկումը կազմում է 2 տոկոս: Այս մասին հունիսի 8-ին ՀՀ Ազգային ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի մասի զեկույցի քննարկմանն ասաց ՀՀ ֆինանսների նախարար Ատոմ Ջանջուղազյանը:
Նա, մասնավորապես, նշեց. «Հիմա մենք ավելի բարձր ցուցանիշներ ունենք, քան ունեինք անցյալ տվա նույն ժամանակահատվածում, սակայն ակնկալածից ցածր»:
Այս ենթատեքստում Ջանջուղազյանը հայտնեց, որ մայիսին պետական բյուջե հարկային մուտքերը կազմել են ակնկալվող 120 մլրդ դրամի փոխարեն 83 մլրդ դրամ: «Հավասար պայմանների դեպքում տնտեսության դինամիկ զարգացման համար ակնկալվում էր, որ 2020 թվականի արդյունքներով պետական բյուջեի եկամուտների մասում հնարավոր կլինի գերազանցել 1,6 տրլն ցուցանիշը: Սակայն հիմա ունենք այն, ինչ ունենք»,- դժգոհեց նախարարը՝ նշելով, որ հիմա բոլոր ջանքերը գործադրվում են՝ եղած բացասական գործընթացներին ակտիվորեն հակազդելու համար: