2019 թվականին Հայաստանում մշակող արդյունաբերությունն ավելի արագ է աճել, քան հումքայինը: Այս մասին հունիսի 8-ին ՀՀ Ազգային Ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՀՀ էկոնոմիկայի նախարար Տիգրան Խաչատրյանը:
Նա, մասնավորապես, նշեց, որ 2019-ին տնտեսությունն աճել է 7.6 տոկոսով, ճիշտ է, դրա մեծ մասը (5.2 տոկոս) բաժին է ընկել ծառայություններին՝ հիմնականում՝ ավտոմեքենաների ներմուծմանը, որը 2019-ին շատ ակտիվ էր, եւ միայն 1.9 տոկոսն է բաժին ընկել արդյունաբերությանը:
Ընդ որում, նախարարը պարզաբանեց, որ արդյունաբերությունն աճել է հիմնականում մշակող (5 տոկոս), այլ ոչ թե հումքայինի (4.1 տոկոս) արդյունաբերության շնորհիվ: