Ես դժգոհ եմ այն ընկերությունների աշխատանքից, որոնք ապահովում են հանրապետությունում ճանապարհների կառուցման տեխնիկական վերահսկողությունը: Այս մասին հունիսի 8-ին ՀՀ Ազգային ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի մասի զեկույցի քննարկմանն ասաց տարածքային կառավարման եւ ենթակառուցվածքների նախարար Սուրեն Պապիկյանը:
Նախարարի խոսքով՝ իրենք հստակ հասկացրել են, որ այս ընկերությունների մոնիթորինգն ակներեւորեն անբավարար է:
«Սա այն առանցքային օղակն է, որը երաշխավորում է շինարարական աշխատանքների որակը: Ընթացիկ վերահսկողությունը պետք է իրականացնեն նրանք, այլ ոչ թե մենք»,- շեշտեց Պապիկյանը:
