Հայաստանի տարածքային կառավարման եւ ենթակառուցվածքների նախարարությունը մշտական կապի մեջ է «Հարավկովկասյան երկաթուղիների», «Ռուսական երկաթուղիների» եւ Ռուսաստանի Դաշնության տրանսպորտի նախարարության գործընկերների հետ: Այս մասին հունիսի 8-ին ՀՀ Ազգային Ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց Հայաստանի տարածքային կառավարման եւ ենթակառուցվածքների նախարար Սուրեն Պապիկյանը:
Ըստ նրա՝ գործընկերների կողմից որոշ առաջարկություններ կան: «Սակայն այդ առաջարկները պետք է համապատասխանեն հայկական պետության շահերին, երկաթուղային տրանսպորտի զարգացման տեսլականին եւ ֆինանսական ռեսուրսների ներգրավմանը: Աշխատանքներ են տարվում նաեւ Էկոնոմիկայի նախարարության հետ՝ ներդրումների ծավալը եւ ժամկետները հասկանալու համար: ՀԿԵ-ից գործընկերների հետ միասին քննարկվել է շարժակազմերի արդիականացման հարցը, եւ, ինչպես սպասվում է, այդ տեխնիկան առաջիկա տարիներին կհամալրի ընկերության պարկը: Մասնավորապես, պետք է փոխվեն շարժակազմերը Բաթումի ուղղությամբ, եւ, Երեւան-Գյումրի արագընթաց գնացքից բացի, ՀԿԵ-ն կհամալրվի նոր վագոններով»,- պարզաբանեց Պապիկյանը:
