2019 թվականին Հայաստանի հանրային ծառայությունները կարգավորող հանձնաժողովը մոտ 19 միլիոն դրամ է տնտեսել, որոնք հատկացվել էին պետբյուջեից: Այս մասին հունիսի 8-ին ՀՀ Ազգային Ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց հանձնաժողովի նախագահ Գարեգին Բաղրամյանը:
Այդպես, ըստ նրա, 2019 թվականին Հայաստանի ՀԾԿՀ-ին պետբյուջեից 805 միլիոն դրամ էր հատկացվել:
«Այս գումարից 785.5 միլիոն դրամ կամ 97.6 տոկոսն է ծախսվել»,- նշեց Բաղրամյանը:
Հանձնաժողովի նախագահը, մասնավորապես, նշեց, որ բյուջեի միջոցների մեծ մասը (մոտ 80 տոկոսը) ուղղվել է աշխատակիցների աշխատավարձերի եւ պարգեւավճարների վճարմանը:
