Հայաստանի ԱԻՆ-ում, հունիսի 8-ին, ժամը 23։47-ին Ճգնաժամային կառավարման ազգային կենտրոն ահազանգ է ստացվել, որ Վարդանանց փողոցի թիվ 26 շենքի մոտակայքում տեղի է ունեցել ավտովթար։

Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։

Պարզվել է, որ «Nissan Tiida» մակնիշի ավտոմեքենան (վարորդ՝ Ռոբերտ Մ․, ծնված 1999 թ․) շրջվել է՝ վնասելով մոտակայքում գտնվող «Ծորակների տուն» խանութ-սրահի դիմապակիները։

Վարորդին եւ ուղեւոր Ռաֆայել Օ․-ին (ծնված 1999 թ․) շտապօգնության աշխատակիցները տեղում ցուցաբերել են առաջին բուժօգնություն եւ հոսպիտալացրել «Հերացի» թիվ 1 հիվանդանոցային համալիր, որտեղ բժիշկները նրանց առողջական վիճակը գնահատել են բավարար։

Փրկարարները հոսանքազրկել են ավտոմեքենան, փակել գազի բալոնի փականը եւ սահմանազատել տարածքը։