ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հրավերով հունիսի 24-ին կմասնակցի Մոսկվայում կայանալիք Հաղթանակի զորահանդեսին: Տեղեկությունն այս մասին NEWS.am-ի հետ զրույցում հաստատել է Նիկոլ Փաշինյանի մամուլի քարտուղար Մանե Գեւորգյանը:
«Հունիսի 24-ին վարչապետ Փաշինյանը ներկա կգտնվի Հայրենական մեծ պատերազմում տարած հաղթանակի 75-ամյակին նվիրված Մոսկվայում կայանալիք շքերթին»,- նշել է նա՝ հավելելով, որ վարչապետի Մոսկվա մեկնելու օրը դեռ հայտնի չէ:
Ինչպես ավելի վաղ հայտնել էին ՀՀ Պաշտպանության նախարարությունից, Ռուսաստանի Դաշնության պաշտպանության նախարարության հրավերով Հաղթանակի օրվան նվիրված շքերթին կմասնակցի հանրապետության ԶՈՒ-ի 75 զինծառայողից բաղկացած զորասյունը: