Հայաստանում աննպատակահարմար է օմբուդսմենի տարբեր պրոֆիլային գրասենյակներ հիմնելը: Այս մասին այսօր՝ հունիսի 9-ին, ԱԺ մշտական հանձնաժողովների համատեղ նիստում 2019-ի պետբյուջեի կատարողական մասին զեկույցի քննարկման ժամանակ հայտարարեց Մարդու իրավունքների պաշտպան Արման Թաթոյանը:
Նրա խոսքով՝ Հայաստանի համար նման նորարարությունները բավականին ռիսկային են: «Լուրջ հիմքեր են պետք հիմնական մարմնի թուլացման համար: Բացի այդ, ՀՀ Սահմանադրությունը թույլ չի տալիս ստեղծել ինստիտուտ, որը կկրկնի օմբուդսմենի գրասենյակի լիազորությունները»,-նշեց Թաթոյանը: