2019 թվականին Սահմանադրական դատարան է ներկայացվել 332 դիմում, որից 248-ը եղել է սահմանադրական: Այս մասին հունիսի 9-ին խորհրդարանական մշտական հանձնաժողովների համատեղ նիստում 2019 թվականի պետական բյուջեի կատարողականի քննարկման ժամանակ ասաց Սահմանադրական դատարանի աշխատակազմի ղեկավար Էդգար Ղազարյանը՝ պատասխանելով իշխող «Իմ քայլը» դաշինքի պատգամավոր Համազասպ Դանիելյանի այն հարցին, որ ՍԴ-ն սկսել է պատասխաններն ուշացնել: Աշխատակազմի ղեկավարի հավաստմամբ՝ գործնականում ՍԴ-ում դիմումներին պատասխանում են առավելագույնը 2 օրում: