Հյուսիսային Ավստրալիայի ափերի Թիվի կղզիների բնակիչները կապել են հսկայական կոկորդիլոսին, որը հազվագյուտ կրիաներ էր որսում, եւ նրա հետ ֆոտոշարք են արել, հայտնում է Lenta-ն՝ հղում անելով Daily Mail-ին:
Ջեյմս Դե Սանթիսը եւ նրա որդի Հարի Դե Սանթիս Յունուպինգուն կարողացել են բռնել հինգ մետրանոց սողունին:
«Նա ոչնչացնում էր մեր հազվագյուտ կրիաների բները: Նրանք գտնվում են ոչնչացման եզրին, ուստի ես եւ իմ որդին որոշեցինք ինքնուրույն տեղափոխել նրան»,- ասել է Դե Սանթիսը:
Հայրն ու որդին կոկորդիլոսին հարվածել են որսատեգով, կապել են նրա ծնոտները եւ տեղափոխել կղզու մեկ այլ մաս: Գիշատչին բռնելու ժամանակ նրանք լուսանկարել են: Լուսանկարներից մեկում Ջեյմսը նստած է կոկորդիլոսի մեջքին եւ պահում է սողունի բերանի շուրջը փաթաթած պարանը: Մեկ այլ լուսանկարում Հարին լողում է հսկայական կոկորդիլոսի կողքին:
