Պորտուգալիայի ֆինանսների նախարար Մարիու Սենտենուն հրաժարական է տվել՝ առաջարկելով իր փոխարեն նշանակել Ժոաու Լեաուին, հաղորդում է ՌԻԱ Նովոստին:
«Հանրապետության նախագահն ընդունել է սեփական ցանկությամբ ֆինանսների նախարար Մարիու Սենտենուի հրաժարականն ու նրա փոխարեն նշանակել Ժոաու Լենաուին»,-ասվում է նախագահի մամուլի ծառայության հաղորդագրության մեջ:
Պորտուգալիայի նախագահ Մարսելու Ռեբելու դի Սոուզան ընդունել է առաջարկը, լիազորությունների փոխանցման արարողությունը տեղի կունենա հունիսի 15-ին:
Սենտենուն ֆինանսների նախարար է եղել 5 տարի, նրա հրաժարականը վաղուց սպասելի էր, քանի որ նա հավակնում է Պորտուգալիայի Բանկի ղեկավարի պաշտոնին:
Մինչ նշանակումը Լեաուն զբաղվում էր բյուջեի հարցերով: