2019 թվականին Արդարադատության նախարարությունը ստացել է ներման 80 միջնորդություն: Այս մասին խորհրդարանական մշտական հանձնաժողովների համատեղ նիստում 2019 թվականի պետական բյուջեի կատարողականի քննարկման ժամանակ ասաց արդարադատության նախարար Ռուստամ Բադասյանը:
Ընդ որում, նրա խոսքով, ներվել է ընդամենը 3 դատապարտյալ:
«Հինգ միջազգային համաձայնագրի նախագծման, մշակման եւ ստորագրման անհրաժեշտ աշխատանք է անցկացվել ռեալ փոխօգնության ոլորտում»,- հայտնեց Բադասյանը:
Նախարարը նաեւ հիշեցրեց, որ 2019 թվականին Ազգային ժողովն ընդունել է «Օտարերկրացիների մասին» օրենքում կատարված փոփոխությունները, որի արդյունքում հստակեցվել են Հայաստանի Հանրապետության տարածքում հանցագործություններ կատարած օտարերկրացիների վտարման հիմքերը:
«Այսօրվա դրությամբ Վարչական դատարան է ուղարկվել օտարերկրացիների վտարման մոտ 40 գործ»,- նշեց նախարարը:
