Կորոնավիրուսի հետ կապված իրավիճակը շարունակում է մնալ լարված, բայց շատ թույլ հույսեր են ի հայտ գալիս, որ մենք իրավիճակի որոշակի կայունացում ունենք եւ կայունացում ենք ունենալու: Այս մասին, այսօր՝ հունիսի 9-ին պարետատան նիստից հետո կայացած ճեպազրույցի ժամանակ նշեց ՀՀ վարչապետ Նիկոլ Փաշինյանը:
«Այս իրավիճակում այդ հանգամանքը պետք է մեզ ոչ թե թուլացնի, այլ հակառակը, ավելի բարձրացնի մեր զգոնությունը:
Վերջին շրջանում շատ հաճախ դեպքեր ենք ունենում, երբ համաճարակի բռնկում է տեղի ունենում թաղման, հոգեհանգստի միջոցառումներում: Մենք կարեւոր ենք համարում այդ միջոցառումների իրականացումը պարետատան սահմանած կարոնններին համապատասխան: Նաեւ ուզում ենք ընդգծել, որ կարեւոր է, որ ամուսնության արարողությունները չուղեկցվեն պարետատան կանոնների խախտմամբ:
Շատ կարեւոր եմ, համարում նաեւ հանրային աջակցությունը այս առումով: Ուզում եմ, որ սգակիր ընտանիքները եւ հարսանյաց արարողություն ունեցող ընտանիքները համագործակցեն ՏԻՄ-երի հետ, որպեսզի մենք բոլորս այս իրավիճակում հասնենք հակահամաճարակային կանոնների առավելագույն արդյունավետության; Շատ կարեւոր եմ համարում հակահամաճարակային շարժման պրոցեսը»,-ասաց Փաշինյանը:
