Երրորդ հանրապետության պատմության մեջ ամենամեծ առողջապահապան խնդիրներից մեկը առողջապահության առաջնային օղակների արդյունավետության բարձրացումն է եղել: Այս մասին, այսօր՝ հունիսի 9-ին պարետատան նիստից հետո կայացած ճեպազրույցի ժամանակ նշեց ՀՀ վարչապետ Նիկոլ Փաշինյանը՝ անդրադառնալով հարցին, թե արդյոք իր կարծիքով նորմալ են աշխատում պոլիկլինիկաները, որովհետեւ բազմաթիվ են քաղաքացիների բողոքները:
«Մենք այստեղ էլի առաջնորդվում ենք ճգնաժամը որպես հնարավորություն հայեցակարգով, եւ հույս ունենք, համոզված ենք, որ այս պայքարի համատեքստում մենք լուրջ ներդրումներ կանենք պոլիկլինիկական համակարգում եւ համակարգը այս համավարակի արդյունքում էականորեն կուժեղանա, եւ մենք կունենանք շատ ավելի դիվերսիֆիկացված առողջապահական համակարգ: Պոլիկլինիկաների արդյունավետությունը գնալով կբարձրանա եւ բարձրանում է:
Այո, սկզբնական շրջանում, երբ նրանք նոր էին ներգրավված, կային որոշակի խնդիրներ եւ այսօր էլ կան, բայց մենք ամեն օր ավելի քիչ ահազանգեր ենք ստանում: Ինչ վերաբերում է առողջապահական համակարգի աշխատողներին, դուք տեղյակ եք, որ մենք այդ քաղաքականությունն արդեն որդեգրում ենք, որ պոլիկլինկաներում աշխատողների աշխատավարձը դեռ նախորդ տարվանից ավելացել է: բայց մենք ընթացիկ այս իրավիճակում կառավարությունը քննարկում է եւ բոլոր անհրաժեշտ որոշումները, այդ թվում ֆինանսական, կկայացվեն»,-ասաց նա:
