56 տարեկանում մահացել է Բուրունդիի նախագահ Պիեռ Նկուրունզիզան: Կառավարության հաղորդմամբ՝ նախագահը մահացել է սրտի կաթվածից, հաղորդում է AP-ը:
Նկուրունզիզան երկիրը կառավարել է 15 տարի: 2015 թվականին երրորդ ժամկետով առաջադրվելու նրա որոշումը հանգեցրել է անկարգությունների, ինչի հետեւանքով հարյուրավոր մարդիկ են զոհվել: Բախվելով չարաշահումների մեջ մեղադրանքների հետ՝ նրա կառավարությունը կտրուկ մերժել է ստուգումները եւ դարձել առաջին երկիրը, որը լքել է Միջազգային քրեական դատարանը:
Մի քանի շաբաթ անց պետք է տեղի ունենար Էվարիստ Նդայիշիմիեի երդմնակալության արարողությունը, ով ընտրվել էր մայիսին:
Բուրունդիի կառավարությունը սգո շաբաթ է հայտարարել: