Բելառուսը պնդում է, որ ռուսական գազի գները վերանայվեն, հայտարարել է երկրի էներգետիկայի նախարարությունը։
Ինչպես հայտնում է ԲԵԼՏԱ-ն, Բելառուսի եւ Ռուսաստանի էներգետիկայի նախարարներ Վիկտոր Կարանկեւիչը եւ Ալեքսանդր Նովակը հունիսի 9-ին քննարկել են գազային ոլորտում համագործակցության արդիական հարցեր։
Կողմերը մտքեր են փոխանակել Բելառուսին մատակարարվող ռուսական գազի համար վճարման պայմանների կատարման վերաբերյալ: Ընդ որում, բելառուսական կողմի դիրքորոշումը մնում է անփոփոխ՝ գազի գնի վերաբերյալ տնտեսվարող սուբյեկտների միջեւ տարաձայնությունները վերացնելու համար՝ հաշվի առնելով դրա կալորիական արժեքը, «Գազպրոմ Տրանսգազ Բելառուս» ԲԲԸ-ին պետք է տրամադրել բնական գազի իրական ամսական կալորիական արժեքը փաստացի որոշելու մեթոդաբանություն՝ Բելառուսի օրենսդրությանը համապատասխան դրա մետրոլոգիական հաստատմամբ:
Բացի այդ, անդրադարձ է կատարվել 2020թ․ ռուսական գազի մատակարարման հարցերին: 2020թ․ անցած ժամանակահատվածում նկատվել է Եվրոպա մատակարարվող ռուսական գազի գների իջեցման միտում` ինչպես կարճաժամկետ, այնպես էլ երկարաժամկետ պայմանագրերով: Այս կապակցությամբ բելառուսական կողմը եւս մեկ անգամ նշել է Բելառուսի համար գազի գների վերանայման անհրաժեշտությունը` դրա ճիշտ եւ արդար մակարդակի որոշմամբ:
Բելառուսական կողմը հետաքրքրություն է հայտնել նշված հարցերի արագ լուծման եւ գազի ոլորտում ռուսական կողմի հետ հետագա համագործակցության համար փոխադարձ ընդունելի լուծումների որոնման վերաբերյալ:
