2019-ին Հաշվեքննիչ պալատի կարիքների համար պետբյուջեից հատկացվել է 1 մլրդ 139 մլն 911 հազար դրամ: Այս մասին այսօր ԱԺ խորհրդարանական հանձնաժողովների համատեղ նիստում 2019-ի պետբյուջեի կատարողականի մասին զեկույցի քննարկման ժամանակ հայտարարեց Հաշվեքննիչ պալատի նախագահ Լեւոն Յոլյանը:
Նա նշեց, որ ծախսվել է 1 մլրդ 115 մլն 77 հազար դրամ: «Ընդհանուր առմամբ մեզ հաջողվել է տնտեսել 24 մլն 833 հազար դրամ եւ այդ միջոցները վերադարձնել պետբյուջե»,-նշեց Յոլյանը: