Մոտ 30 իրանցի ուսանողներ բողոքի ցույց են անցկացրել Թեհրանում Հայաստանի դեսպանության մոտ։ Նրանք բողոքել են Իսրայելում դեսպանություն բացելու Հայաստանի որոշման դեմ, հայտնում է IRIB-ը։
Հանրահավաքի մասնակիցները ձեռքերում պահել են նման քայլի հետեւանքների մասին նախազգուշացնող պաստառներ։ Նրանք վանկարկել են «Մահ Իսրայելին, մահ Միացյալ Նահանգներին եւ մահ Բրիտանիային» կարգախոսներն ու այրել են Իսրայելի դրոշը։
Հանրահավաքում նաեւ ընթերցվել է հայտարարություն, որը դատապարտում է Իսրայելում դեսպանություն բացելու ՀՀ կառավարության որոշումը։ «Սիոնիստական ռեժիմի ուժեղացման եւ ներկայության ցանկացած հիմք թշնամական ակտ է համարվում»,- նշվել է հայտարարության մեջ։
