Հայաստանի ԱԻՆ-ում, հունիսի 9-ին, ժամը 23:01-ին Ճգնաժամային կառավարման ազգային կենտրոն ահազանգ է ստացվել, որ Երեւան-Երասխ ավտոճանապարհին՝ Արտաշատի արագաչափի մոտակայքում, տեղի է ունեցել ավտովթար․ կա տուժած։
Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երեւան-Երասխ ավտոճանապարհի 31-րդ կմ-ին բախվել են «Jeep Wrangler» (վարորդ՝ Նարեկ Բ․, ծնված 1981 թ․) եւ «Range Rover» (վարորդ՝ Արմեն Խ․, ծնված 1984 թ․) մակնիշների ավտոմեքենաները, ինչի հետեւանքով «Jeep Wrangler» մակնիշի ավտոմեքենան կողաշրջվել է:
Մինչ փրկարարների՝ կանչի վայր հասնելը «Range Rover» մակնիշի ավտոմեքենայի ուղեւորներ Մարինե Բ․-ն (ծնված 1983 թ․) եւ Սուսաննա Գ․-ն (ծնված 2000 թ․) տեղափոխվել են Մասիսի ԲԿ, որտեղ բժիշկները նրանց առողջական վիճակը գնահատել են բավարար:
Փրկարարներն ուղղել են «Jeep Wrangler» մակնիշի ավտոմեքենան եւ իրականացրել հերթապահություն:
