Հայաստանի տարածքային զարգացման եւ ենթակառուցվածքների նախարարությունը 2019 թվականին տարածքային զարգացման մասով իրացրել է պետբյուջեից հատկացված միջոցների 90.3 տոկոսը, ինչը 60.3 մլրդ դրամ է կազմում: Այս մասին հունիսի 10-ին ՀՀ Ազգային Ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՀՀ տարածքային կառավարման եւ ենթակառուցվածքների նախարար Սուրեն Պապիկյանը:
Ըստ նրա՝ այդ միջոցներն օգտագործվել են ենթակառուցվածքների զարգացման, Հայաստանի տարբեր մարզերում սուբվենցիաների տրամադրման համար եւ այլն: «2019 թվականին ենթակառուցվածքների զարգացման համար օգտագործվել է սուբվենցիաների 65.9 տոկոսը, որոնք օգտագործվել են հանրապետության տարբեր մարզերի կողմից, ինչն ընդհանուր 6.4 միլիարդ դրամ է կազմում»,- ասաց նախարարը:
