ՆԱՏՕ-ի երկրները պետք է շարունակեն ավելացնել պաշտպանական ծախսերը մինչեւ ՀՆԱ-ի 2 տոկոս՝ չնայած տնտեսական ճգնաժամին կորոնավիրուսի համավարակի ֆոնին: Այս մասին գերմանական Die Welt թերթում հրապարակված հարցազրույցում հայտարարել է Դաշինքի գլխավոր քարտուղար Յենս Ստոլտենբերգը:
«Ես տեսնում եմ, որ ՆԱՏՕ-ի երկրներում իրադրությունը կրճատվում է, ես գիտեմ, որ դրան դիմակայելու համար անհրաժեշտ է մեծացնել ծախսերը շատ ոլորտներում: Միակ խնդիրն այն է, որ սպառնալիքներն ու անվտանգության մարտահրավերները, որոնք առկա էին համավարակից առաջ, չեն վերացել. ընդհակառակը»,- ասել է նա:
Ըստ Ստոլտենբերգի՝ «Ռուսաստանը շարունակում է զինվել, Չինաստանի վերելքի պատճառով ուժերի հավասարակշռությունը փոխվում է, իսկ «ԻՊ» ահաբեկչական խմբավորումը կրկին փորձում է նվաճել տարածքը Սիրիայում եւ Իրաքում»: «Այդ իսկ պատճառով մենք պետք է շարունակենք ներդրումներ կատարել մեր անվտանգության մեջ»,- ասել է նա:
ՆԱՏՕ-ի գլխավոր քարտուղարը հավելել է, որ «դաշնակիցներից որեւէ մեկի համար Ռուսաստանի կողմից անմիջական սպառնալիք» չի տեսնում: «Սակայն մենք տեսնում ենք, որ Ռուսաստանը մեծ ներդրումներ է կատարում ռազմական արդիականացման մեջ», հայտնում է ՏԱՍՍ-ը:
