Ըստ ոստիկանության օպերատիվ հաղորդագրությունների ամփոփագրերի` հունիսի 9-ից 10-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 62 դեպք, որից 4-ը՝ նախկինում կատարված։
Մասնավորապես՝ մարմնական վնասվածք հասցնելու` 8, խարդախության՝ 7, թմրամիջոցի հայտնաբերման՝ 6, պաշտոնեական լիազորությունների չարաշահման՝ 5, անձնական ունեցվածքի գողության, թմրամիջոցի մաքսանենգության եւ յուրացման կամ վատնման՝ 4-ական, խուլիգանության ու պաշտոնեական կեղծիքի կամ անփութության՝ 3-ական, իշխանության ներկայացուցչի նկատմամբ բռնության, ծեծի եւ սպանության սպառնալիքի՝ 2-ական, սպանության, բռնաբարության կամ բռնաբարության փորձի, գույքի դիտավորությամբ վնասման, զենք-զինամթերքի առգրավման, ծնողին երեխայից բաժանելու, թմրանյութի իրացման, գույքի ոչնչացման սպառնալիքի ու պաշտոնատար անձ չհանդիսացող հանրային ծառայողին ապօրինի վարձատրություն տալու` 1-ական դեպք։
Հայտնաբերվել է 1 անհետ կորած, 6 հետախուզվող։ Կամավոր ներկայացել է 1-ը։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է մարմնական վնասվածք հասցնելու, անձնական ունեցվածքի գողության, բնակարանային գողության եւ անձի առեւանգման փորձի 1-ական դեպք։
1 օրվա ընթացքում հանրապետությունում արձանագրվել է ճանապարհատրանսպորտային 16 պատահար, ինչի հետեւանքով 1 մարդ զոհվել է, 26-ը՝ ստացել տարբեր աստիճանի մարմնական վնասվածքներ:
