Ես՝ որպես ՀՀ քաղաքական գործիչ, Գագիկ Ծառուկյանին խղճում եմ, որովհետև նա չունի իր ուրույն քաղաքական դիմագիծը, անընդհատ օգտագործվել է այլ քաղաքական ուժերի կողմից: Այս մասին այսօր՝ հունիսի 10-ին, ԱԺ-ում լրագրողների հետ զրույցում նշեց Լոռու մարզպետ Անդրեյ Ղուկասյանը:
«Գագիկ Ծառուկյանը նման է մի մեծ երեխայի, ով ունի լավ խաղալիք ու բակի երեխաները նրա հետ ընկերություն են անում, որպեսզի այդ խաղալիքից օգտվեն: Վերջում պարզվում է, որ այդ երեխաներն ավելի շատ են խաղում այդ խաղալիքով, քան՝ հենց ինքը»,-ասաց մարզպետը:
Ղուկասյանը չի կարծում, թե իր խոսքերով վիրավորում է ԲՀԿ-ին ընտրած քաղաքացիներին:
