Աշխարհի ամենաաղքատ երկրները փլուզման շեմին են հայտնվել՝ զգուշացնում են Արժույթի միջազգային հիմնադրամում: Պետություններին դեֆոլտ է սպառնում, եթե մասնավոր ներդրողները չաջակցեն G20-ի՝ նրանց արտաքին պարտքի վճարումները ժամանակավորապես դադարեցնելու իրավունք տալու առաջարկին, հաղորդում է Lenta-ն՝ հղում անելով Bloomberg-ին:
Հիմնադրամի ղեկավար Քրիստալինա Գեորգիեւայի խոսքով՝ որոշ երկրներ անտանելի բեռ են կրում՝ բախվելով պանդեմիայի առաջացրած խնդիրների հետ:
Ավելի վաղ ԱՄՀ-ն եւ G20 աշխարհի ամենախոշոր տնտեսությունների խումբը որոշում է ընդունել հետաձգել մի քանի տասնյակ աղքատ երկրների համար պարտքերի վճարումները:
Մայիսի կեսերին խոսելով համաշխարհային տնտեսության վերականգնման ժամկետների մասին՝ ԱՄՀ-ում եզրակացրել են, որ նույնիսկ ամենաբարենպաստ հանգամանքներում դա տեղի չի ունենա մինչեւ 2022 թվականը: Ընդհանուր անկման ֆոնին շահեկան դիրքում կմնան թվային տնտեսությունը, ինտերնտետ բիզնեսը, էլեկտրոնային ձեւաչափով պետական ծառայությունների տրամադրման համակարգը, ինչպես նաեւ օնլայն ուսուցումը: