2019-ին ՀՀ արտաքին գործերի նախարարության կարիքների համար պետական բյուջեից 16 միլիարդ 648 միլիոն դրամ է հատկացվել: Այս մասին հունիսի 11-ին մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՀՀ ֆինանսների նախարար Ատոմ Ջանջուղազյանը:
Ընդ որում, փաստացի օգտագործվել է 16 միլիարդ 435 միլիոն դրամ, ինչն ընդհանուր հատկացված միջոցների 99 տոկոսն է կազմում: Ըստ նախարարի՝ ինչպես սպասվում էր, հիմնական ծախսերը բաժին են ընկել արտասահմանում Հայաստանի դիվանագիտական ներկայացուցչություններին: Այս կարիքների համար հատկացվել է 10 միլիարդ 760 միլիոն դրամ: Ընդ որում, իրացման մակարդակը 99.3 տոկոս է կազմել (10.68 միլիարդ դրամ):