2019-ին Ռուսաստանի հետ դաշնակցային համագործակցությունը շարունակվել է բոլոր ոլորտներում, եւ լրացուցիչ ջանքեր են գործադրվել ռազմավարական համագործակցության ուղղությամբ: Այս մասին հունիսի 10-ին մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասացՀՀ արտաքին գործերի նախարար Զոհրաբ Մնացականյանը:
Ըստ նրա՝ տարին նշանավորվել է բարձր մակարդակով ակտիվ քաղաքական երկխոսությամբ, տարածաշրջանային մակարդակով եւ միջազգային հարթակի շրջանակներում քայլերի համակարգմամբ, ինչպես նաեւ սերտ համագործակցությամբ տարբեր ոլորտներում, այդ թվում՝ ռազմաքաղաքական, տնտեսական եւ էներգետիկ: «Ռուսաստանի հետ համագործակցության ծավալը չափազանց մեծ է եւ կարող է քննարկման առանձին թեմա դառնալ»,- հավելեց նախարարը:
