Անցյալ տարին Հայաստանի համար շատ ակտիվ էր բարձր մակարդակի կապերի պահպանման եւ Ասիա-խաղաղօվկիանոսյան տարածաշրջանի երկրների հետ բազմակողմանի համագործակցության առումով: Այս մասին հունիսի 10-ին մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՀՀ արտաքին գործերի նախարար Զոհրաբ Մնացականյանը:
ՀՀ ԱԳ նախարարը հատկապես կարեւոր համարեց համագործակցությունը Չինաստանի, Հնդկաստանի եւ Ճապոնիայի հետ համագործակցությունը. «Մենք շոշափելի արդյունքներ ունենք այս երկրների հետ համագործակցության տեսանկյունից»,- շեշտեց Մնացականյանը:
Նախարարի խոսքով՝ Հայաստանի համար նշանակալի նշանակություն ունի Մերձավոր Արեւելքի երկրների հետ հարաբերությունների զարգացումը: Ինչպես նշեց ՀՀ ԱԳՆ ղեկավարը, այս տարածաշրջանում տեղի ունեցող քաղաքական գործընթացներն ու իրադարձությունները ներառված են Հայաստանի շահերի գոտում: «Մենք պաշտոնապես արձագանքել ենք Սիրիայի շուրջ ստեղծված իրավիճակին: Հայաստանի արտգործնախարարությունը վերջերս նաեւ պաշտոնական հայտարարություն տարածեց Լիբիայում տիրող իրավիճակի վերաբերյալ»,- հավելեց Մնացականյանը: