ՀՀ արտաքին գործերի նախարարությունում եւ պետական ծառայության այլ ոլորտներում ես խնդիր եմ տեսնում աշխատողների աշխատավարձերի համապատասխանության առումով: Այս մասին հունիսի 10-ին մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանը, պատասխանելով պատգամավորների հարցերին, ասաց ՀՀ արտաքին գործերի նախարար Զոհրաբ Մնացականյանը:
Նրա կարծիքով՝ պետական հատվածում աշխատողների աշխատավարձերը պետք է բարձրացվեն: «Այս հարցի հետաձգումը ապահովում է անկայունության պահպանումը պետական կառույցներում՝ արդյունավետ քաղաքականության իրականացման տեսանկյունից»,- նշեց Մնացականյանը:
Նա նաեւ հավելեց, որ որոշակի թյուրըմբռնում կա այն փաստի առնչությամբ, որ երբ դիվանագետները գնում են արտագնա աշխատանքի, ամեն ինչ անմիջապես սկսում է լավ գնալ: «Դա այդպես չէ. Մեր դիվանագետներն արտերկրում բավականին համեստ են ապրում»,- վստահեցրեց նախարարը: