2019 թվականին Հայաստանը ԵՄ-ից 8.6 միլիարդ դրամի չափով դրամաշնորհներ է ստացել՝ կանխատեսվող 21 միլիարդ դրամի փոխարեն: Այս մասին հունիսի 10-ին մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՀՀ ֆինանսների նախարար Ատոմ Ջանջուղազյանը:
Ըստ նրա, իրացման մակարդակն ընդամենը 31 տոկոս է կազմել: Դա, ինչպես նշեց նախարարը, պայմանավորված է նրանով, որ որոշ ծրագրեր իրականացվել են, իսկ որոշները՝ ոչ կամ հետաձգվել են: Ընդ որում, ԵՄ-ից 20 միլիարդ դրամի չափով վարկեր էին նախատեսվում, սակայն ստացվել է ընդհանուր ակնկալվող միջոցների 57 տոկոսը: