Նորից կարանտինին վերադառնալու հարցը բավական բարդ է, այդ հարցը փակված չէ, քննարկվում է: Այս մասին, այսօր՝ հունիսի 11-ին, լրագրողների հետ զրույցում նշեց ՀՀ փոխվարչապետ Մհեր Գրիգորյանը:
«Դա կախված է նրանից, թե ինչ ժամկետ կենթադրի լոքդաուն կոչվածը: Դրանից կախված վնասները կարող են տարբեր լինել, այդ թվում անդառնալի: Դա մի գործիք է, որ անհրաժեշտության դեպքում պետք է կիրառել, բայց շատ զգուշավոր, որովհետեւ կիրառելուց առաջ բոլորս պետք է գիտակցենք դրա հետեւանքներն ու արդյունավետությունը:
Կա միջազգային փորձ, որը վկայում է, որ միշտ չէ, որ լոքդաունի ավարտը կառավարվելու է այնպես, որ լիարժեք արդյունավետ լինի»:
