Չինաստանի ԱԳՆ-ը քննադատել է Եվրոպական միության զեկույցը, որում նշվում է, որ Պեկինը եւ Մոսկվան ապատեղեկատվություն են տարածում կորոնավիրուսի համավարակի մասին, հայտնում է AP-ը։
ՉԺՀ ԱԳՆ մամուլի քարտուղար Խուա Չունինը հայտարարել է, որ «ԵՄ-ն խուսափում է շատ ակնհայտ փաստերից, սակայն որոշակիորեն հիշատակում է Չինաստանին։ Դա խափանում է այդ զեկույցի արժանահավատությունն ու հեղինակությունը»։ Նա Չինաստանի դեմ մեղադրանքները «կեղծ» է անվանել։
Եվրոպական հանձնաժողովի տվյալներով՝ Ռուսաստանը եւ Չինաստանը «ԵՄ-ում, նրա հարեւան երկրներում եւ ամբողջ աշխարհում ազդեցություն գործելու եւ ապատեղեկատվության քարոզչության նպատակաուղղված գործողություններ են անցկացնում»։