Վրաստանի ԱԳՆ-ն խորհրդակցությունների համար հրավիրել է Վրաստանի Ուկրաինայի դեսպանին Վրաստանի նախկին նախագահ Միխայիլ Սաակաշվիլիի հայտարարությունների պատճառով: Այս մասին հայտարարել է Վրաստանի ԱԳՆ ղեկավար Դավիթ Զալկալիանին, հաղորդում է Նովոստի Գրուզիան:
Սաակաշվիլին երեկ տեսաուղերձ էր հրապարակել Ֆեյսբուքի իր էջում, որի ժամանակ քննադատել էր Վրաստանի իշխանություններին եւ խոստացել իշխանության դեմ պայքարի առաջնագծում լինել եւ ընտրություններում հաղթանակի հասնել:
«Սաակաշվիլիի այդ հայտարարությունը Ուկրաինայի քաղաքացու կողմից ուղիղ միջամտություն է այլ երկրի գործերին: Այդ կապակցությամբ մենք հրավիրում ենք դեսպանին եւ բացատրություն պահանջում»,-ասել է Զալկալիանին:
Միեւնույն ժամանակ, Սաակաշվիլին արդեն պատասխանել է Վրաստանի ԱԳՆ-ի հայտարարությանը:
«Նրանք մտածում ենք, թե Ուկրաինան ստրկական հասարակություն է, որը նրանք փորձում են ստեղծել Վրաստանում: Երբ կառավարությունը, ինչպես նրանք են կարծում, պետք է վերահսկի իր քաղաքացիների եւ առանձին մարդկանց հայտարարությունները: Իրականում Վրաստանի ԱԳՆ-ն կոմպետենտության բացակայություն է դրսեւորել, քանի որ չի հասկանում, որ Ուկրաինայում իմ կարգավիճակը պետական ծառայողի կարգավիճակ չէ: Ես Ուկրաինայի կառավարության անդամ չեմ»,-ասել է Սաակաշվիլին:
