Ռուսաստանը մնում է Հայաստանի հիմնական արտաքին տնտեսական գործընկերը: Այս մասին առցանց մամուլի ասուլիսում հունիսի 11-ին հայտարարեց Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինը։ Նրա խոսքերով՝ Հայաստանի արտաքին առեւտրաշրջանառության ընդհանուր մասնաբաժնի 27%-ը բաժին է ընկնում Ռուսաստանին, իսկ ուղղակի ներդրումների ընդհանուր ծավալի մասնաբաժինը 51% է։ «Բացի այդ, Հայաստան արտաքին տրանսֆերների 61%-ը գալիս է Ռուսաստանից:
Փոխգործակցության կարեւոր գործոն է մնում նաեւ ռուսական կապիտալ ունեցող ընկերությունների գործունեությունը, որոնք Հայաստանի խոշոր հարկատուների թվում են»,- հավելեց նա: Դեսպանը նշեց նաեւ կրթության ոլորտում համագործակցության կարեւորությունը՝ հիշեցնելով, որ Ռուսաստանը տարեկան հատկացնում է 200 քվոտա, որից կարող են օգտվել Հայաստանից դիմորդները: