News
Լրահոս
News
Հինգշաբթի
Փետրվար 29
Տեսնել լրահոսը

Առողջապահության նախարար Արսեն Թորոսյանը մարդու ոտք է տրորե՞լ, թե՞ գինի է թափել ինչ որ մեկի հագուստին, որ ներողություն է խնդրում։ Այս մասին Ֆեյսբուքի իր էջում «Ներողությամբ փոխհատուցվող կյանքեր» վերնագրով գրառման մեջ նշել է հրապարակախոս Վահան Իշխանյանը։

«Միայն այսօր կորոնավիրուսի համաճարակից մահացել է 23 հոգի, իսկ համաճարակի սկզբից 327 հոգի է մահացել, իսկ կողքի Վրաստանում այդ ամբողջ ընթացքում 13 հոգի է մահացել, այսինքն Հայաստանում առնվազն 300֊ի մահվան համար մեղավոր է կառավարությունը։

Այսօր Վրաստանում 14 վարակված է հայտնաբերվել, իսկ Հայաստանում 566, ընդհանուր Վրաստանում վարակվել է 831 հոգի, Հայաստանում 14669:  Իսկ Հայաստանում, երբ նախարարը սկսեց խոսել հիվաների սորտավորման անհրաժեշտությունից, ապա սորտավորեցին և մարդիկ սկսեցին մահանալ այն պատճառով որ բուժօգնությունը չէր հերիքում, պարզվեց, որ առնվազն երկու բուժհաստատություն կա, որոնք 3 ամիս առաջ պատրաստվել էին համաճարակին, սակայն նախարարությունը չէր օգտագործել  նրանց հնարավորությունները, որն ուղղակի սպանություն է»։

Վահան Իշխանյանը գրել է, որ Իտալիայում վարչապետ Կոնտեին դատախազություն են կանչել բացատրություն տալու, բայց ոչ թե «սորտավորման», այլ հապաղելու համար։

«Թորոսյանը ասում է. «Ներողություն եմ խնդրում և ուզում եմ ասել, որ տարբեր իրավիճակներում տարբեր որոշումներ կայացնելիս գուցե հապաղել ենք», իսկ հապաղելու համար Իտալիայի վարչապետ Կոնտեին կանչել են դատախազություն բացատրություն տալու, քաղաքացիները կառավարությանը մեղադրում են, որ համաճարակի կանխարգելմանն ուղղված գործողություններն ուշացնելու պատճառով բազմաթիվ մարդիկ են մահացել։ Պատկերացրեք, եթե պարզվեր Իտալիայում կորոնավիրուսով հիվանդներ ընդունելու համար պատրաստ բուժհաստատություններ են եղել, սակայն կառավարության պատճառով հիվանդներ չեն հասել նրանց, ի՞նչ կլիներ»։

Հրապարակախոսի խոսքով՝ եթե ներողությունը քաղաքավարական ակտ չի, մեղքի զգացում է պարունակում, ապա որոշակի գործողություն պետք է ներառի․

«Եթե նախարարն է զղջացել, ապա առնվազն պիտի հրաժարական տա, բայց նախարարը շարունակում է պաշտոնավարել, ներողությամբ քաղաքավարություն է խաղում այնտեղ, որտեղ ողբերգություններ են լինում։ Բանտում գիտե՞ք ինչքան կալանավոր կա, որ ներողություն են ասել, բայց ներողությունը չի ազատել կալանքից, իսկ նախարարը մի ներողությունով ուզում է փոխհատուցել մարդկանց առողջություններն ու կյանքերը՝ սխալվել էի՝ կներեք, որ հիվանդացաք, մեռաք»։

Տպել
Կարդացեք նաև
Ամբողջը
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
ԵՄ-ը կկորցնի 2,2 մլրդ դոլար COVID-ի դեմ ժամկետանց դեղամիջոցի պատճառով
Եվրոպան COVID-ի պատճառով կկորցնի 2,2 մլրդ դոլար...
Սանկտ Պետերբուրգում հանրային միջոցառումների ժամանակ դիմակ կրելու ռեժիմ է մտցվել
Ռոսպոտրեբնադզորի վարչության տվյալներով, վերջին չորս շաբաթվա ընթացքում Սանկտ Պետերբուրգում ՍՇՀ-ի և գրիպի դեպքերն աճել են 87,1%-ով, COVID-19-ով հիվանդացությունն աճել է 62,4%-ով, իսկ արտահիվանդանոցային  թոքաբորբի աճը կազմել է 35,3%:
Ամենաշատ