News
Լրահոս
News
Երեքշաբթի
Մարտ 19
Տեսնել լրահոսը

Համաշխարհային աղքատությունը կորոնավիրուսի համավարակի արդյունքում կրկին կաճի մինչեւ 1 միլիարդ մարդ, հայտնում է AP-ն: King's College London-ի եւ Ավստրալիայի ազգային համալսարանի ուսումնասիրությունը ցույց է տալիս, որ աղքատության կտրուկ աճում է միջին եկամուտ ունեցող զարգացող երկրներում, որտեղ միլիոնավոր մարդիկ ապրում են աղքատության մակարդակից փոքր ինչ վեր: Ասիական երկրները, ինչպիսիք են Բանգլադեշը, Հնդկաստանը, Ինդոնեզիան, Պակիստանը եւ Ֆիլիպինները, հատկապես խոցելի են համարվում տնտեսական համաճարակային ցնցումների ֆոնին:

«Համավարակն արագորեն վերածվում է տնտեսական ճգնաժամի զարգացող երկրներում»,- նշել է King's College London-ի միջազգային զարգացման պրոֆեսոր եւ  զեկույցի համահեղինակներից  Էնդի Սամները:

Վատագույն սցենարի համաձայն՝ ծայրահեղ աղքատության մեջ ապրող մարդկանց թիվը 700 միլիոնից կավելանա մինչեւ 1.1 միլիարդ: «Առանց գործողությունների այս ճգնաժամը կարող է 20 կամ նույնիսկ 30 տարով հետաձգել համաշխարհային աղքատության կրճատման առաջընթացը»,- նշել է Սամները:

Հետազոտողները «հրատապ գլոբալ լիդերության» կոչ են անում ճգնաժամը հաղթահարելու համար: Բայց հույսերը քիչ են այն բանից հետո, երբ հետաձգվեց «Մեծ յոթնյակի» համաշխարհային առաջնորդների հանդիպումը, որը պետք է տեղի ունենար հունիսի 10-12-ը: Սեպտեմբերին ԱՄՆ նախագահ Դոնալդ Թրամփը նախատեսում է ընդլայնված հանդիպում անցկացնել, որին կմասնակցեն նաեւ առաջնորդները Ռուսաստանից, Ավստրալիայից, Հարավային Կորեայից եւ Հնդկաստանից:

Սամներն ասել է, որ երեք քայլ պետք է առաջնահերթություն դառնան: Նախ ֆինանսավորման մակարդակը որոշելու համար անհրաժեշտ է «գլոբալ հանձնաժողով ստեղծել՝ աղքատությանը եւ COVID-19-ին արագ արձագանքելու համար»՝ հայտնի համաշխարհային առաջնորդի ղեկավարությամբ: Երկրորդը, միջոցները պետք է արագ ազատվեն պարտքի սպասարկման ներկայիս վիճակի ընդլայնման հաշվին, որն Արժույթի միջազգային հիմնադրամը տրամադրում է բոլոր զարգացող երկրներին, եւ առնվազն մինչեւ 2020-ի վերջը եւ նույնիսկ մինչեւ 2021 թվականը Համաշխարհային բանկի պարտքերի վճարումների սառեցման հաշվին: Երբ ճգնաժամը թուլանա, որոշ զարգացող երկրների պարտքերի վերակառուցումը կամ ուղղակի պարտքերի մարումն «անհրաժեշտ կամ նույնիսկ անխուսափելի կլինի»: Եվ երրորդը՝ երկրները, որոնք օգուտ են քաղում լճացումից, պետք է օգտագործեն այդ գումարը սոցիալական անվտանգության ցանցերի ամրապնդման եւ ընդլայնման համար:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
ԵՄ-ը կկորցնի 2,2 մլրդ դոլար COVID-ի դեմ ժամկետանց դեղամիջոցի պատճառով
Եվրոպան COVID-ի պատճառով կկորցնի 2,2 մլրդ դոլար...
Ամենաշատ