Ֆլորիդայում մեկնարկել է Falcon 9 տանող հրթիռի արձակումը՝ Starlink-ի 58 ինտերնետ-արբանյակներից կազմված խմբով: Արձակման ուղիղ հեռարձակումը կատարում է SpaceX ընկերությունը:
Հրթիռի մեկնարկը տրվել է ԱՄՆ Արեւելյան ափի ժամանակով 5.21-ին Կանավերալ հրվանդանի տիեզերակայանից, հայտնում է «ՌԻԱ Նովոստի»-ն:
Սա Starlink-ի արբանյակների 9-րդ խմբաքանակն է, որ ուղեծիր է դուրս բերվում, եւ երրորդ թռիչքը Falcon 9-ի առաջին աստիճանի համար, որն արձակումից կարճ ժամանակ անց պետք է կրկին վայրէջք կատարի Ատլանտյան օվկիանոսում լողացող բեռնանավի վրա:
Այս անգամ երկրային էլիպսաձեւ ուղեծիր են դուրս բերվելու Starlink-ի 58 արբանյակներ: Ըստ SpaceX-ի տեխնոլոգիայի՝ մեկնարկից հետո գրեթե 26 րոպե անց արբանյակները հասցվելու են մինչեւ 367 կմ բարձրությամբ միջանկյալ ուղեծիր: Այնուհետեւ սեփական քարշակային ուժով դրանք բարանալու են ավելի բարձր ուղեծիր՝ թեստավորելու համար եւ դրանից հետո անցնելու են մոտ 550 կմ բարձրությամբ աշխատանքային ուղեծիր:
Starlink համաստեղության սարքերի արձակումից բացի, Falcon 9-ը շաբաթ իրականացնում է Planet ընկերության համար Երկրի զոնդավորման 3 արբանյակների արձակում: Դրանք ուղեծիր դուրս կբերվեն մինչեւ Starlink-ի սարքերի անջատումը: