Տվյալ համաձայնագիրը ստորագրվել է 2013 թվականի ապրիլի 19-ին եւ ուժի մեջ մտել 2014 թվականի հունվարի 1-ից: Այս մասին այսօր ԱԺ արտաքին հարաբերությունների հարցերով մշտական հանձնաժոովի նիստում Հայաստանի եւ Չեխիայի կառավարությունների միջեւ՝ «Հայաստանի Հանրապետությունում եւ Եվրամիությունում առանց համապատասխան թույլտվության անձանց փոխանակման (ռեադմիսիա) մասին» Համաձայնագրի վավերացման մասին հարցի քննարկման ընթացքում հայտարարեց տարածքային կառավարման եւ ենթակառուցվածքների նախարարության պետական միգրացիոն ծառայության պետ Արմեն Ղազարյանը:
Նրա խոսքով՝ Համաձայնագրի նպատակն է անձանց նույնականացման արագ եւ արդյունավետ գործընթացների սահմանումը:
Համաձայնագիրը սահմանում է ռեադմիսիայի, տրանզիտային օպերացիաների, ծախսերի, տվյալների պաշտպանության եւ այլ հարցերի մասով Հայաստանի եւ Եվրամիության պարտավորությունները:
Քննարկումներից հետո հանձնաժողովը դրական եզրակացություն տվեց: