Թուրքական իշխանությունները խոչընդոտում են ՆԱՏՕ-եւմ Արեւելյան Եվրոպայի երկների, մասնավորապես՝ բալթյան երկրների եւ Լեհաստանի համար պաշտպանության նոր պլանի իրագործմանը, որը հռչակվել էր որպես Ռուսաստանի «զսպման» հարցով դաշինքի հիմնական տարր: Այս մասին երկուշաբթի DPA գործակալությունը՝ վկայակոչելով աղբյուրները:
Ծրագիրը հաստատելու դիմաց Անկարան իր շահերին ավելի լայն աջակցություն է պահանջում տարածաշրջանում: Թուրքիան, օրինակ, ցանկանում է, որպեսզի դաշինքի մյուս անդամները «Ժողովրդավարական միություն» քրդական կուսակցությունը եւ քրդական Ժողորդական ինքնապաշտպանական ջոկատները ներառեն ահաբեկչական կազմակերպությունների շարքում: ՆԱՏՕ-ի որոշ գործընկերներ հրաժարվում են դա անել:
Դաշինքի պլանը մանրամասն սահմանում է, թե դաշինքի անդամներին ինչ աջակցություն կարող է ցուցաբերվել հարձակման կամ անվտանգության իրավիճակի սրման դեպքում, մասնավորապես, այն հատուկ ժամանակ է սահմանում հնարավոր սպառնալիքի մասին ՆԱՏՕ-ի արագ արձագանքման ուժերին նախազգուշացնելու համար, հիշեցնում է գործակալությունը: DPA-ի փոխանցմամբ՝ անցյալ տարվա դեկտեմբերին Լոնդոնում կայացած ՆԱՏՕ-ի գագաթնաժողովին պլանների կատարման համար խոչընդոտներ չկային, փոխանցում է ՏԱՍՍ-ը:
