Հայաստանում 2019-ին գնաճը նախատեսված ցուցանիշից ցածր է եղել: Այս մասին այսօր ԱԺ ֆինանսավարկային եւ բյուջետային հարցերի մշտական հանձնաժողովի նիստում ԿԲ գործունեության մասին տարեկան զեկույցի քննարկման ժամանակ հայտարարեց ԿԲ նախագահ Մարտին Գալստյանը:
Նրա խոսքով՝ 2018-ի վերջին գնաճը կազմել է 1,8%:
«Դրամավարկային քաղաքականության ծրագրի համաձայն՝ ԿԲ-ն նախապատվություն է տվել գնաճի աստիճանական վերականգնմանը: Մեկ տարում գնաճը ձեւավորվել է կանխատեսված ցուցանիշից ցածր, ինչը պայմանավորված է մի քանի գործոններով»,-ասաց Գալստյանը:
Առաջին հերթին, ինչպես նշեց ԿԲ նախագահը, հարկային-բյուջետային քաղաքականությունն ավելի զսպող է եղել, քան նախատեսված է «Պետական բյուջեի մասին» օրենքով: Երկրորդ հերթին, ԱՄՆ-Չինաստան առեւտրային պատերազմի ֆոնին ձեւավորվել է պահանջարկ, որը զգալիորեն թույլ է եղել:
«Միեւնույն ժամանակ, ԿԲ վերլուծությունը ցույց է տվել, որ ցածր գնաճը նպաստում է նաեւ որոշ կառուցվածքային գործոնների վրա, ինչպես օրինակ՝ կառավարության կողմից իրականացվող բարեփոխումների շրջանակում առանձին ապրանքային շուկաներում մրցակցության մեծացման արդյունքում կազմակերպությունների պարգեւավճարների նվազեցումը: Արդյունքում նկատվում է համախառն պահանջարկի նվազեցում, եւ տարին ամփոփվել է ցածր գնաճով»,-նշեց Մարտին Գալստյանը:
Նա նաեւ հիշեցրեց, որ տարվա երկրորդ կեսին ԿԲ-ն երկու անգամ նվազրել է վերաֆինանսավորման տոկոսադրույքը՝ 6%-ից մինչեւ 5,5%: