Թուրքիա իրանական գազի մատակարարումները կվերսկսվեն հուլիսի վերջին: Այս մասին հայտարարել է Իրանի ԱԳ նախարար Մոհամմադ Զարիֆը Թուրքիայի ԱԳ նախարար Մեւլյութ Չավուշօղլուի հետ ասուլիսի ժամանակ, հաղորդում է Mehr-ը:
«Կորոնավիրուսի պանդեմիան ցույց է տվել, որ ամբողջ աշխարհը փոխադարձ կախվածություն ունի, եւ միակողմանի քաղաքականությունը չի կարող միջազգային խնդիրները լուծել: Կորոնավիրուսը ցույց տվեց, որ հզոր ուժերն անզոր են վիրուսի դեմ եւ չեն կարող միայնակ հաղթահարել այն»,-ասել է Զարիֆը՝ հավելելով, որ աշխարհը պետք է միշտ երկխոսություն վարի: