Nissan ընկերությունը ներկայացրել է նոր սերնդի Rogue քրոսովերը՝ հյուսիսամերիկյան շուկայի համար, որը հայտնի է X-Trail անվանումով, հայտնում է Autonews-ը։
ԱՄՆ-ում դա ճապոնական ապրանքանիշի ամենահանրահայտ ավտոմեքենան է, որին ընկնում է դրա բոլոր վաճառքների մինչեւ 30%-ը։
Քրոսովերը, որը ստեղծվել է CMF-C/D արդիականացված հարթակի վրա, քիչ ավելի փոքր է ստացվել իր նախորդից։ Անվային բազայի չափսը նվազել է 2,5 մմ-ով, իսկ լայնությունը եւ երկարությունը փոքրացել են 53 եւ 43 մմ-ով՝ համապատասխանաբար։ Ընդ որում, նոր անվադողերը թույլ են տվել մեծացնել հետեւի ուղեւորների ոտքերի եւ գլխի շրջանում ազատ տարածությունը։ Այժմյան սերնդի մոդելի հետ համեմատած՝ նոր Nissan X-Trail-ը նստարանների երեք շարքով հասանելի չի լինի։
Քրոսովերի ստանդարտ հագեցածության մեջ մտնում են ութդյույմանոց սենսորային դիսփլեյով տեղեկատվական-զվարճանքների համակարգը։ Սարքերի թվավահանակների միջեւ գունավոր էկրանը հինգից մեծացել է մինչեւ յոթ դյույմ, իսկ որպես օպցիա՝ գնորդին կառաջարկեն լիովին թվային վահանակ՝ 12,3 դյույմ անկյունագծով։
Բացի այդ, քրոսովերի համար հասանելի է ProPilot Assist կիսաավտոմատ կառավարման կատարելագործված համակարգը, օրինակ՝ դանդաղեցնել ավտոմեքենան՝ հիմնվելով առաջիկա ճանապարհի առանձնահատկությունների մասին GPS-տվյալների վրա։