Ազգային ժողովն այսօր՝ հունիսի 16-ին մեկնարկում է իր հերթական նիստերը: Օրակարգում ընդգրկված է 42 հարց:
Դրանից զատ այսօր խորհրդարանը քննարկելու է գլխավոր դատախազ Արթուր Դավթյանի միջնորդությունը՝ ԲՀԿ խմբակցության ղեկավար Գագիկ Ծառուկյանին ազատազրկելու եւ նրա նկատմամբ քրեական հետապնդում հարուցելու վերաբերյալ։
Նշենք, որ Գագիկ Ծառուկյանի հետ կապված 3 քրեական գործ է հարուցվել: Դրանցից մեկը վերաբերում է 2017 թվականը ընտրությունների ժամանակ ընտրակաշառքներին, երկրորդը Ծառուկյանի տնտեսական գործունեությանը:
ԲՀԿ-ն հայտարարում է, որ տեղի ունեցողը քաղաքական հետապնդում է: Ինքը Գագիկ Ծառուկյանը հյտարարել է, որ պատրաստ է ցանկացած զարգացման եւ գնալու է մինչեւ վերջ: