Սա անազնիվ խաղ է եւ ֆարս է. «Լուսավոր Հայաստանին» կանգնեցրել եք բարդ ընտրության առաջ: Այս մասին, այսօր՝ հունիսի 16-ին, ԱԺ-ում իր ելույթում նշեց «Լուսավոր Հայաստան» խմբակցության ղեկավար Էդմոն Մարուքյանը:
Նա դիմեց իշխանության ներկայացուցիչներին՝ ասելով. «Դուք ժամանակին ճանաչել եք այդ ուժի լեգիտիմությունը, հիմա ո՞նց եք ռեվերս անում: Էդ ոնց եղավ, որ ձեր պատգամավորների մոտ հայտնվում են քրեական գործի նյութերը: Սա քաղաքական չի՞:
Այո, սա բարդ ընտրություն եւ այո, մենք գնահատում ենք, որ այստեղ կա լուրջ քաղաքական խնդիր: Առաջ քաղաքական մեծամասնությունը ելույթներ էր ունենում, ասում էր՝ կքննենք, կպարզենք, հիմա դուք ելույթ էլ չեք ունենում: Դուք ազնիվ չեք, դուք անկեղծ չեք: Դուք փետրվարին չեք եկել Ծառուկյանին կալանավորելու, 2019-ի հունվարին չեք եկել, այլ հիմա եք եկել
«Լուսավոր Հայաստանը» գտնում է, որ այս քվեարկության մեջ մենք անելիք չունենք: Մենք չենք մասնակցելու այս ֆարսին: Եթե ԲՀԿ-ն էլ չմասնակցի, ինձ հետաքրքիր է, փակ գաղտնի քվեարկությամբ ձեր 88 «այո»-ն կարձանագրվի, թե ոչ»,-ասաց Մարուքյանը:
